बार्सिलोना/ युरोपका चर्चित गायक सुभास सुन्दासले बार्सिलोनालाई संगीतमय बनाएका छन्। नेपालीनेपाली डटकमको दोस्रो बार्षिकोत्सवको बिशेष समारोहमा बिशेष प्रस्तुति राख्दै सुन्दासले दर्शकको मन जितेका हुन्। स्बिजरल्याण्डबाट उनि सँगै आएका संगीतकार रामु परियार,स्पेनका सन्जय बिक्रम शाह र बिपिन गुरुङले लाईभ प्रस्तुति राख्दा बार्सिलोनाको माहोल तातेको थियो।
गायक सुन्दासले आफ्नो एल्बम “उड्न देउ” केहि गीतहरु सुनाए भने बाँकी नेपाली चर्चित गीतहरु नै प्रस्तुत गरे। नेपथ्यका गीतहरु गाउँदा बार्सिलोनाका दर्शकहरुले अमृत गुरुङको झल्को मेटाए। पटक पटक दर्शक दिर्घाबाट “वान्स मोर वान्स मोर” को आवाज गुञ्जिएको थियो।
उनि यूरोपको नेपाली सांगीतिक क्षेत्रमा स्थापित गायक हुन्। संगीतकार रामु परियारको स्विटजरल्याण्ड बसाई एक बर्षमात्र भएपनि छोटो समयमा नै संगीतिक क्षेत्रमा स्थापित हुन सफल भएका छन्। सुन्दास र परियारको टिमले दर्शकहरुलाई थाक्ने गरी नचाए।
गायक सुन्दासले भने,” बार्सिलोनाका दर्शकहरुको हुटींग र मायाले मलाई तानेको छ। अब छिट्टै मेरो एकल प्रस्तुति लिएर आउँने सोच बनाएको छु।” गायक सुन्दासले दर्जन बढी गीतहरु सुनाउँदै दर्शकहरुलाई मनोरन्जन प्रदान गरे।
कार्यक्रम अबधि भर सुजल भण्डारीको हास्य प्रस्तुति सबै भन्दा चर्चित बन्यो। भण्डारीले दर्शकहरुलाई पेट मिचिमिची हँसाए। लोक दोहोरी गायिका सुमी घिमिरे सापकोटा,गायिका समी गुरुङ, विष्णु रानाभाटले सांगीतिक कार्यक्रम प्रस्तुत राखे। यस्तै अजय लोप्चन,डिक कार्कीको गीति नाटक लगायत सुस्मिता गिरी, दिब्या भण्डारी र सोनिया खत्रीले आकर्षक नृत्यहरु प्रस्तुत गरे।
नेपाली पाठशाला स्पेनका बालबालिकाहरु सुर्के थैली बोलेको गीतमा नाच्दा दर्शकहरुले बालबालिकाहरुलाई खुलेर प्रशंसा गरे। सम्भवत: बालबालिकाहरुले प्रस्तुत गरेको नृत्य मध्ये,अहिले सम्मकै उत्कृष्ट नृत्य रहेको केहिले प्रतिक्रिया समेत दिएका छन् 
