५, डिसेम्बर, आगामी फागुन २७ गते प्रदर्शनको मिति तोकिएको चलचित्र फिल्म ‘दर्पणछायाँ २’ को गीत सार्वजनिक गरिएको छ। बरिष्ट निर्देशक तुलसी घिमिरेद्वारा निर्देशित चलचित्रको ‘आकाशैमा’ बोलको र्शीष गीतमा चलचित्रका नायक पुष्पल खड्का र साहारा कार्की फिचरिङ छन् ।
राजेश पायल राई र मेलिना राईको स्वर रहेको गीतमा निर्मात्री साबु गदाल कार्कीको शब्द रहेको छ। गीतको कोरियोग्राफी छेदुप लामाले गरेका छन्।
चलचित्रमा पुष्पल खड्का र साहारा कार्कीका साथमा श्रद्धा प्रसाई, फिरोज तिमिल्सिना, सुमन घिमिरे, जीवन आचार्य, तुफान घले, सरिना पौडेल, रोसनी केसी लगायतका कलाकारको अभिनय रहेको छ ।
चलचित्रलाई साबु कार्की र रवी कार्कीले निर्माण गरेका हुन् । तुलसी घिमिरेको लेखन र निर्देशन रहको चलचित्रका प्रस्तुतकर्ता डाक्टर लोपसाङ लामा हुन् ।
