बार्सिलोना। बर्षमा एक पटक आउने हरितालिका तीज पर्व। आफ्नो गाउँठाउँ,माईतिघर छोडेर बिदेशमा रहेका दिदिबहिनीहरुले पुराना दिनहरुलाई सम्झदै न्यास्रो मान्ने गर्दथे। तर आजभोली समय अलि बदलिएको छ बिदेशमा पनि तीज बिषय कार्यक्रमहरु हुने भएपछि दिदिबहिनिहरुले रमाईलो मान्न थालेका छन्।
स्पेनको बार्सिलोनामा तीज बिशेष कार्यक्रम हुन लागेको एक दशकभन्दा पनि बढि भईसक्यो। हरेक बर्ष तीजको अवसरमा ३-४ सय दिदिबहिनीहरु एउटै हलमा पुगेर कम्मर मर्काउने गरेका छन्। कहिँले नेपालदेखि आएका कलाकारहरुको साथमा त कहिँले तीजे भाकाको तालमा।
यसपटकपनि प्रवासी नेपाली एकता मञ्च स्पेनले बार्सिलोनास्थित सिसिलियाको हलमा सेप्टेम्बर २ तारिख सोमबार कार्यक्रमको आयोजना गरेको छ। स्थानीय कलाकारहरुसँगै अझ नयाँ पुराना तीजे भाकाको तालमा यसबर्षको तीजे कार्यक्रम तय भएको आयोजकले जनाएको छ। प्रबेश निशुल्क रहने उक्त कार्यक्रममा ५ सयभन्दा बढि सहभागीहरु उपस्थित हुने लक्ष्य मञ्चले राखेको छ।
तीज कार्यक्रम तयारी समितिको संयोजकमा निर्मला तिवारी,सह-संयोजक हेमन्त रानाभाट ,प्रचारप्रसारमा दिनेशराज रेग्मी,खाना व्यवस्थापनमा कृष्णराम रानाभाट र स्वयं सेवकमा दीपक भट्टराईलाई संयोजक तोकिएको छ।
कार्यक्रमबारे पूर्ण जानकारी :-
- मिति: २ सेप्टेम्बर २०१९, सोमवार
- समय: अपरान्ह ४:०० बजे
- स्थान: सिसिलिया हल,
- (Calle Sicillia 321)
- प्रवेश नि:शुल्क
- आयोजक: प्रवासी नेपाली एकता मंच, स्पेन
