बेल्जियमका दाहालले एनआरएनए सह -कोषाध्यक्षमा उम्मेदवारी दिने


बार्सिलोना। बेल्जियम निवासी ब्यबसायी लोकप्रसाद दाहालले एनआरएनएको नवौं अन्तराष्ट्रिय महाधिबेशनमा सह -कोषाध्यक्ष पदमा उम्मेदवारी दिने भएका छन्।  सबल, सक्षम,विश्वासिलो, भरपर्दो र क्रियाशील संस्था बनाउने लक्ष्यसहित दाहालले उम्मेदवारी दिने जनाएका हुन्। उनि एनआरएनए बेल्जियमका निर्बतमान अध्यक्ष तथा पूर्व महासचिव समेत हुन्। 

सह -कोषाध्यक्ष पदमा उम्मेदवारी दिने घोषणा गर्दै उनले संघलाई आर्थिक रुपमा पारदर्शी र मितव्ययी बनाई आन्तरिक लेखा प्रणाली र अत्याधुनिक प्रविधियुक्त लेखाप्रणालीको विकास गर्ने बताएका छन्।  उनले भने,” नेपाली अर्थतन्त्रको एक मुख्य हिस्सेदार मध्यपूर्वलाई विशेष प्राथमीकतामा राख्नुपर्दछ। सुरक्षित बैदेशिक रोजगारीको प्रत्याभूति गराउने देखि दुबई, कतार, साउदी रहेका नेपाली कामदारहरुको हकहितका लागि हामीले अहिले नै सोच्नुपर्दछ।”

नेपालको विकास र समृद्धिमा एनआएनएहरुको सिप, अनुभव, पूँजी र लगानीलाई अधिकतम सदुपयोग गराउने दाहालको प्रतिवद्वता ब्यक्त गरेका छन्।  सामाजिक सेवाका कामहरुलाई कर्तव्य र दायीत्वका रुपमा अंगिकार गर्दै ब्यापक जनसहभागिताको साथमा सम्पन्न गर्ने उनको लक्ष्य रहेको छ। 

बेल्जियममा ब्यबसाय गर्दै आएका दाहालले नेपालमा परोपकारी कामहरुमा निरन्तरता दिईरहेका छन्। उनकै पहलमा ७२ लाख रुपैयाँ भन्दा बढि लगानीमा धादिङमा बद्री विशाल माध्यमिक बिद्यालयको पक्की भवन निर्माण भएको थियो। भूकम्पपछि बिभिन्न जिल्लाहरुमा पुगेर दाहालले उद्धार तथा पिडितहरुलाई सहयोग समेत गरेका थिए। 

 सह -कोषाध्यक्ष पदका लागि दाहालसँगै अमेरिकाबाट एसी शेर्पा र रसियाबाट बर्तमान युरोप उप-संयोजक गोबिन्द गौतमले पनि उम्मेदवारी घोषणा गरेका छन्।